Türkmenistanyň milli ýygyndysynyň 28 ýaşly hüjümçisi Wahyt Orazsähedow Gazagystanyň “Turan” topary bilen şertnama baglaşdy. Ýygyndy toparymyzyň hüjümçisi täze toparynda 3-nji belgili köýnekçede çykyş eder.
W.Orazsähedowyň soňky çykyş eden topary Duşenbe şäheriniň “Istiklol” topary (10 oýunda 6 t gezek tapawutlandy) bolupdy. Ol Duşenbe şäheriniň topary bilen geçen möwsüm ýerli çempionatyň altyn medalyny gazanmagy başardy.
W.Orazsähedowyň Türkmenistanyň milli ýygyndysynyň düzüminde geçiren 12 duşuşygynda netijeli urgularyň bäşisini geçirendigini bellemek gerek.
Türkmenistanly futbolçynyň “Turan” toparynyň şu günki geçirilen türgenleşigine gatnaşandygyny ýatladýarys. Türkestan şäheriniň “Turan” topary häzirki wagtda dowam edýän Gazagystanyň futbol çempionatynyň çäginde geçirilen 10 tapgyrdan soň 11-nji orny eýeleýär.