Aziýanyň kubogy-2023 futbol ýaryşynyň birinji tapgyrynda Türkmenistanyň milli ýygyndy toparynyň Malaýziýa garşy geçirjek duşuşygyna ýene iki gün galdy.
Bu Aziýanyň kubogy ýaryşynyň saýlama tapgyr duşuşygyny geçirmek üçin milli ýygyndynyň düzüminde çykyş etjek futbolçylaryň atlary mälim boldy. Malaýziýada geçiriljek bu duşuşykda Türkmenistanyň milli ýygyndysynyň düzüminde 23 futbolçy çykyş eder.
Türkmenistanyň milli ýygyndysynyň düzümi şu futbolçylardan ybarat:
Derwezeçiler: Batyr Babaýew, Mämmet Orazmuhammedow (ikisi hem Altyn Asyr), Rahat Japarow (Abdyş-Ata Gyrgyzystan);
Goragçylar: Güýçmyrat Annagulyýew, Zafar Babajanow, Mekan Saparow (ählisi Altyn Asyr), Abdy Bäşimow, Hoşgeldi Hojowow (ikisi hem Ahal);
Ýarymgoragçylar: Arslanmyrat Amanow, Wezirgeldi Ylýasow, Myrat Annaýew, Ahmet Ataýew, Begmyrat Baýow (ählisi Altyn Asyr), Resul Hojaýew, Elman Tagaýew (ikisi hem Ahal), Möwlamberdi Goşşanow, Begenç Akmämmedow, Yhlas Saparmämmedow (ählisi Köpetdag);
Hüjümçiler: Röwşengeldi Halmämmedow, Mihaýil Titow, Altymyrat Annadurdyýew, Berdimyrat Rejepow (ählisi Altyn Asyr), Selim Nurmyradow (Ahal);
Baş tälimçi: Ýazguly Hojageldiýew
Türkmenistanyň milli ýygyndysy Aziýanyň kubogy-2023 futbol ýaryşynyň saýlama tapgyrynyň E toparçasynda ilkinji duşuşygyny 8-nji iýunda Malaýziýanyň ýygyndy toparyna garşy geçirer. Bu duşuşyk Kuala-Lumpur şäherindäki Bukit Jalil stadionynda Aşgabat wagty bilen sagat 18:00-da başlanar.
Türkmen futbolçylary ikinji duşuşygyny 11-nji iýunda Bangladeşe garşy, toparçadaky jemleýji duşuşygy bolsa 14-nji iýunda Bahreýniň milli ýygyndysyna garşy geçirerler.
Aziýanyň kubogy-2023 futbol ýaryşynyň final tapgyryna toparçalarda birinji orny eýelän ýygyndylar, şeýle-de ikinji orna eýe bolan ýygyndylaryň 5-isi gatnaşyp biler.
Aziýanyň kubogy-2023 ýaryşynyň saýlama tapgyry: Türkmenistanyň milli ýygyndysynyň geçirjek duşuşyklarynyň tertipnamasy