Futbol boýunça 2027-nji ýylda Saud Arabystanynda geçiriljek 19-njy Aziýa Kubogynyň 3-nji saýlama tapgyrynyň bijeleri çekildi.Bijä laýyklykda, 24 ýygyndy 4 toparly 6 toparça paýlandy.Türkmenistanyň milli ýygyndysy-da 2-nji torbadan bijä goşulyp, ildeşlerimiz “D” toparça düşdi.
Türkmen futbolçylary bu toparçada Tailandyň, Hytaý Taýpeýiniň hem-de Şri Lankanyň ýygyndylary bilen duşuşar.Her ýygyndy biri-biri bilen öz meýdançasynda hem-de myhmançylykda 2 gezek duşuşyk geçirer. 6 oýundan soň toparçalarda 1-nji orny eýelänler ýaryşyň final tapgyryna gatnaşarlar.
Duşuşyklar 2025-nji ýylyň 25-nji martyndan 2026-njy ýylyň 31-nji martyna çenli aralykda oýnalar. Ýagny 2025-nji ýylyň 25-nji martynda, 10-njy iýunynda, 9-njy we 14-nji oktýabrynda, 18-nji noýabrynda hem-de 2026-njy ýylyň 31-nji martynda geçiriler. 19-njy Aziýa Kubogy 2027-nji ýylyň 15-nji ýanwary 8-nji fewraly aralygynda Saud Arabystanynda guralar.
Duşuşyklar 4 şäherde paýtagt Er-Riýaddaky 4, Jiddedäki 2, Al-Hubardaky 2 hem-de Dammamdaky 1, jemi 8 stadionda oýnalar. Çempionata gatnaşjak 24 ýygyndynyň 18-si belli bolup, olar -2-nji saýlama tapgyryndan soň bu hukuga eýe bolupdylar.
Olar ýer eýesi Saud Arabystanynyň, Awstraliýanyň, Yragyň, Eýranyň, Özbegistanyň, Kataryň, BAE-niň, Ýaponiýanyň, Günorta Koreýanyň, Omanyň, Palestinanyň, Bahreýniň, Iordaniýanyň, Hytaýyň, Indoneziýanyň, Demirgazyk Koreýanyň, Kuweýtiň hem-de Gyrgyzystanyň milli ýygyndylarydyr.
Ady agzalan bu 18 ýygyndy häzirki wagtda Dünýä Kubogy 2026-nyň Aziýa sebiti boýunça 3-nji saýlama tapgyrynda hem çykyş edýärler.AFK Aziýa Kubogy 2027-niň 3-nji saýlama tapgyrynyň toparçalary: “A”: Täjigistan, Filippinler, Maldiwler, Gündogar Timor “B”: Liwan, Ýemen, Butan, Bruneý “C”: Hindistan, Gonkong, Singapur, Bangladeş “D”: Tailand, TÜRKMENISTAN, Hytaý Taýpeýi, Şri Lanka “E”: Siriýa, Owganystan, Mýanma, Pakistan “F”: Wýetnam, Malaýziýa, Nepal, Laos /* custom css */ .td_uid_15_6756de17bfabe_rand.td-a-rec-img { text-align: left; } .td_uid_15_6756de17bfabe_rand.td-a-rec-img img { margin: 0 auto 0 0; }