Düýn ― 18-nji iýulda Malaýziýanyň Malakka şäherinde karate-do boýunça Aziýanyň çempionaty başlandy. 19-njy gezek geçirilýän çempionata türkmen ýygyndysy hem gatnaşýar.
Has takygy, Türkmenistanyň erkekler ýygyndysyna Arzuw Seýitgulyýew, Baýry Baýryýew, Dawut Nazmyradow, Didar Babaýew, Maksat Dologeldiýew we Süleýman Garlyýew, zenanlar ýygyndysyna bolsa Aýgül Esenowa, Ogulsuraý Täçdurdyýewa hem-de Selbi Rozybaýewa dagylar wekilçilik edýär. Olar tälimçiler Aýdyň Çaryýew bilen Baýram Ýalkabowyň ýolbaşçylygynda ýaryşarlar. Türkmen toparynyň düzüminde emin Röwşen Saryýew hem bar.
Aziýanyň çempionaty 23-nji iýulda tamamlanar.