16-njy martda Italýada Türkmenistanyň harby howa güýçleriniň (HHG) M-346 Master kysymly uçary weýran boldy diýip Sky Ships neşiri habar berýär.
Prova3 jaň belgisi bolan harby uçar ýerli wagt bilen sagat 11-de Wareza-Wergono howa menzilinden uçupdyr.
Türkmenistanyň HHG-niň satyn alan harby uçarynyň içinde Italýaly tälim beriji uçarman we Britaniýaly uçarman bolupdyr.Sagat 11.35-de uçar bilen aragatnaşyk kesilipdir.Soňra anyklanmagyna görä, uçar Monte-Lenonedäki daglarda weýran bolupdyr.
Uçarmanlaryň ikiside tapylypdyr. Emma, britaniýaly uçarman aradan çykypdyr, italýaly bolsa, agyr ýaralanypdyr.
Şol weýran bolan bilen birlikde başga-da birnäçe harby uçary 2021-nji ýylda Türkmenistan Italýadan satyn alypdy. Soňra olary Türkmenistana ýetirdiler.Emma, goşmaça türgenleşik we döwrebaplaşdyrma üçin noýabrda yzyna Italiýa ýolladylar.
Türkmenistanda harby uçaryň 06 seriýa sany bar. Emma,uçar bu san bilen Italýada uçup bilmejekdigi üçin ony wagtlaýynça CSX55268 san bilen çalyşdylar diýip neşir ýazýar.
M-346 Master-Italýanyň Alenia Aermaççi şirketi we rusýanyň Ýakowlew adyndaky tejribe konstruksiýa edarasy bilen birlikde 2000-nji ýyllaryň başlarynda işlenip taýýarlanypdy.
Ol döwrebap reaktiw söweş uçarlary üçin uçarmanlary taýýarlaýar.The post Türkmenistanyň harby uçary Italýada weýran boldy first appeared on Türkmenistanyň Hronikasy.