28-nji fewralda wagtlaýyn prezident Berdimuhamedow welaýatlaryň we Aşgabadyň häkimleri bilen onlaýn iş maslahatyny geçirdi diýip döwlet täzelikler gullugy TDH maglumat berýär.
Bu gezek häkimler öz welaýatlarynyň ekin meýdanlaryndan göni hasabat berdiler.
Ahal welaýatynyň häkimi Ýazmuhammet Gurbanow ekin meýdanlaryna dökün berilýär, suwarylýar we ekinleri iýýän mör-möjeklere garşy dermanlanýar diýip habar berdi.
Şeýlede Balkan welaýatynyň häkimi Taňryguly Atahallyýew hem ekin meýdandan hasabat berdi.Berdimuhamedow ondan sürülen ýerler barada gyzyklandy. “Häkim eline bir gysym toprak alyp, onuň çyglylygynyň we beýleki ölçegleriniň kadalara laýyk gelýändigini” aýtdy diýip TDH ýazdy.
Daşoguzyň häkimi Nazarmyrat Nazarmyradow bolsa, ekin meýdanlarynyň irki ýer almany ekmäge taýýardygyny nygtap, wagtlaýyn prezidentden ekişe başlamaga pata bermegi sorady.
Berdimuhamedow patasyny berdi.
Lebap welaýatynyň häkimi Şöhrat Amangeldiýew geljekgi pagta hasyly üçin ekin meýdanlarynyň ýuwulyşyna taýýarlyklar barada hasabat berdi.
Mary welaýatynyň häkimi Döwranberdi Annaberdiýew bolsa, bahar penjieresi kampaniýasy bilen ilteşikli gürrüň berdi.
Aşgabadyň häkimi Rahym Gandymow Arçabil şaýolundaky “Abadançylyk” binasynyň ýanyndan aragatnaşyga girip, seýilgähleriň, skwerleriň tertibe salynyşy, agaç nahallarynyň dikilişi barada hasabat berdi.
17-nji fewralda wagtlaýyn prezident Ahal welaýatyndaky ýeralma meýdanyny barlamaga hut özi barypdy.
The post Türkmenistanyň häkimleri oba hojalyk işleri barada ekin meýdanlaryndan göni wideýo şekilli aragatnaşyk boýunça hasabat berdiler first appeared on Türkmenistanyň Hronikasy.