Türkmenistanyň Gyrgyzystan Respublikasyndaky ilçisi Şadurdy Meredow Batken sebitinde bolan döwründe Gyrgyzystanyň hökümetiniň Batken sebitindäki ygtyýarly wekiliniň (gubernatoryň) birinji orunbasary Marufan Tulaýew bilen duşuşdy.
Duşuşykda, hususan-da, Türkmenistanyň Ahal welaýaty bilen dogan sebitler bolan Gyrgyzystanyň Batken sebitiniň arasynda sebitara hyzmatdaşlygy ösdürmek meseleleri ara alnyp maslahatlaşyldy.
Şeýle hem türkmen ilçisi M.Tulaýewi 29-njy iýunda açyljak Arkadag şäheri bilen hem tanyşdyrdy diýip, Türkmenistanyň Daşary işler ministrliginiň resmi web sahypasynda habar berilýär.