wam.ae-nyň fotosuraty
24-nji aprelde Abu-Dabide Türkmenistanyň goranmak ministriniň orunbasary Ýusup Muhammetgulyýew Birleşen Arap Emirlikleriniň goranmak ministri Mohammed bin Ahmed Al Bowardi bilen duşuşdy. Bu barada “Emirates News Agency” habar berýär.
Taraplar harby pudakda hyzmatdaşlyk gurmak mümkinçiliklerini, hususan-da sebitde bilelikde howpsuzlygy üpjün etmek tagallalaryny utgaşdyrmagy ara alyp maslahatlaşdylar. Duşuşygyň başga jikme-jiklikleri aýdylmaýar.
Bir gün ozal Türkmenistanyň goranmak ministri Ýaýlym Berdiýew Katarda Halid ibn Mohammad al Attiýa bilen duşuşypdy.
Türkmenistanyň resmi habar serişdeleri bu duşuşyklary barada maglumat bermeýär.