Türkmenistanyň goranmak ministri Ýaýlym Berdiýew, 14-nji martda prezident Gurbanguly Berdimuhamedowyň ýolbaşçylygyndaky türkmen delegasiýasynyň düzüminde Abu-Dabä gelip, kärdeşi, BAE-niň goranmak ministri, şeýh Mohammed bin Ahmed Al Bowardi bilen duşuşdy diýip, WAM Emirates News Agency habar berýär.
Neşiriň maglumatyna görä, ministrler umumy alada döredýän birnäçe problemany, şeýle-de goranyş pudagyndaky hyzmatdaşlygy berkitmek mümkinçiliklerini ara alyp maslahatlaşdylar. neşir duşuşyk wagtynda ara alnyp maslahatlaşylan anyk meseleler, olaryň jikme-jiklikleri barada hiç bir maglumat bermeýär.
Ýatladýarys, Türkmenistanyň goranmak ministriniň orunbasary Ýusup Muhammetgulyýew hem 2017-nji ýylyň aprelinde şeýh Al Bowardi bilen duşuşypdy.