Türkmenistanyň futzal boýunça Naýbaşy ligasynda altynjy tapgyryň duşuşyklary geçirildi. Bu barada federasiýasynyň metbugat gullugy habar berdi.
Bu tapgyrda ýaryş tertibiniň öňbaşçylary “Deňizçi” topary TNGIZT toparyny 11:0 hasabynda ýeňen bolsa, onda “Köpetdag” “Milli goşuny” 6:3 hasabynda ýeňmegi başardy. “Daşoguz” “Ahaly” 10:5 hasabynda ýeňlişe sezewar etdi. Ýaryş tertibinde üçünji orun ugrunda ýiti göreş alyp barýan “Gümrükçi” bilen “Senagatbank” toparlarynyň özaralaryndaky duşuşyk hem şu tapgyra gabat geldi.
Ikitaraplaýyn hüjümlere syrygan bu duşuşyk 3:2 hasabynda “Gümrükçiniň peýdasyna tamamlandy.
Şeýlelikde, geçirilen alty tapgyrdan soň 16 utuk toplan “Deňizçi” ýaryş tertibinde eýeleýän birinji ornuny saklap galdy. 14 hem-de 11 utukdan toplan “Köpetdag” bilen “Gümrükçi” toparlary degişlilikde ikinji, üçünji orunlary eýeleýärler.
Iň köp top geçiren oýunçylaryň arasynda “Daşoguz” toparynyň oýunçysy Hamid Menglibaýewiň (12 top) öňdeligi eýeleýändigini bellemek gerek.
Naýbaşy ligasynyň 7-nji, 8-nji, 9-njy hem-de 10-njy tapgyrlarynyň duşuşyklary 15-19-njy iýul aralygynda Mary şäherinde geçiriler.
Altynjy tapgyryň duşuşyklaryň netijeleri: “Deňizçi” TNGIZT 11:0 “Daşoguz” “Ahal” 10:5 “Köpetdag” “Milli goşun” 6:3 “Gümrükçi” “Senagatbank” 3:2.