Türkmenistanyň futbol boýunça milli ýygyndysy ertir Dünýä çempionaty ― 2026-nyň saýlama tapgyrynyň çäklerinde Özbegistanyň ýygyndysy bilen boljak duşuşykda ýaşyl reňkli köýnekçede çykyş eder. Bu barada Janköýer habar berýär.
Şu gün Özbegistanyň Daşkent şäherinde Özbegistan ― Türkmenistan duşuşygynyň öňüsyrasyndaky guramaçylyk maslahaty geçirildi. Onda ertir ― 6-njy iýunda geçiriljek duşuşygyň guramaçylyk meseleleriniň birnäçesine seredildi.
AFK-nyň wekilleri we ýerli guramaçylyk komitetiniň, iki milli ýygyndynyň agzalarynyň we ýolbaşçylarynyň gatnaşmagynda geçirilen maslahatda beýan edilişi ýaly, ertirki duşuşykda türkmen ýygyndysy ýaşyl reňkli köýnekçede çykyş eder. Ýer eýeleri ― Özbegistanyň ýygyndysy bolsa ak reňkdäki köýnekçe geýer.