Türkmenistanyň Futbol federasiýasynyň (TFF) Kubogyny almak ugrundaky ýaryşyň birinji tapgyrynyň duşuşyklary geçirildi. “Aşgabat” köpugurly stadionynyň merkezi meýdanynda geçirilýän bäsleşigiň birinji tapgyrynyň çäginde “A” toparça wekilçilik edýän toparlar öz duşuşyklaryny geçirdiler.
Oýun gününiň birinji duşuşygynda “Altyn Asyr II” hem-de “Energetik” toparlary güýç synanyşdylar. Bu duşuşykda tejribeli “Energetik” topary 4:3 hasabynda üstün çykdy. Toparçanyň beýleki duşuşygynda “Aşgabat” “Şagadamy” 1:0 hasabynda ýeňlişe sezewar etdi.
Federasiýa Kubogy ugrundaky bäsleşigiň birinji tapgyrynyň duşuşyklary 18-nji iýunda dowam edip, onda “B” toparça wekilçilik edýän toparlar meýdana çykarlar.
I tapgyryň netijeleri (“A” toparça):
“Altyn Asyr II” “Energetik” 3:4
Gollar: 10 Şamämmet Hydyrow, 32 Oraz Orazow, 43 Merdan Muhadow (“Altyn Asyr II”) 15 Orazmuhammet Işangulyýew, 45 Orazgeldi Seýidow, 62 Serdar Annamämmedow, 73 (11 m.j.u.) Parahat Jumamyradow (“Energetik”)
“Şagadam” “Aşgabat” 0:1
Gol: 83 Gurbannyýaz Sähedow (“Aşgabat”)
18.06.2021 ý. I tapgyr:
“B” toparça
18:15 “Köpetdag” “Merw”
20:30 “Nebitçi” “Ahal”