4-nji dekabrda DIM Raşid Meredow halkara guramalarynyň Türkmenistandaky täze ýolbaşçylaryny kabul etdi.
BMGÖM-niň täze hemişelik wekili Narine Saakýan boldy.Ol bu wezipede Nasiýu Naswlişwiliniň ornuny eýeledi.
Meredow we Saakýan Türkmenistanyň Bütindünýä Söwda Guramasyna agza bolmagy,BMGÖM-niň 2021-2025-nji ýyllarda Türkmenistandaky hyzmatdaşlyk maksatnamasy barada maslahat etdiler.
Mundan öň Saakýan BMGÖM-niň Makedoniýadaky wekiliýetiniň başlygynyň orunbasary, soňra başlygy bolupdy.
______________________________
ÝUNISEF-iň Türkmenistandaky wekiliýetiniň täze başlyklygyna Mohammad Faýazi bellendi. Ol bu wezipede Kristana Weýgandy çalyşdy. Faýazi mundan owal ÝUNISEF-iň Liwandaky we Owganystandaky ýerinde işler bölümine ýolbaşçylyk etdi.
______________________________
Bütindünýä Saglyk Guramasynyň (BSG) ýurt edarasynyň başlygy Ýegor Zaýsew boldy.
Ol bu wezipede Paulina Karwowskanyň ýerine bellendi.Duşuşykda Zaýsew we Meredow BSG-niň Ýewropa sebitara edarasynyň başlygy Hans Klýugeniň Türkmenistana saparynyň netijelerini, şeýlede BSG-niň missiýasy barada gürrüň etdiler.
Mundan owal Zaýsew BSG-niň Belarusdaky we Ermenistandaky wekiliýetine ýolbaşçylyk etdi.
Belläp geçsek, bularyň üçüsi hem täze wezipesine oktiýabr aýynda bellenipdi.Emma, olaryň DIM-e Ynanç hatynyň nusgasyny dabaraly gowşurmagy diňe häzir bolup geçdi.The post Türkmenistanyň DIM-i BMGÖM-niň, ÝUNISEF-iň we BSG-niň täze wekilleri bilen duşuşdy first appeared on Türkmenistanyň Hronikasy.