3-nji maýda prezident Serdar Berdimuhamedowyň sebit ýolbaşçylary bilen mejlis geçirendigini TDH habar beripdi.
Sebit ýolbaşçylarynyň ählisi öz welaýatynyň edara merkezinde täze metjit we sadaka berilýän ýer gurmagy teklip etdiler. Olaryň ählisi “munuň ilatyň islegleriniň göz öňünde tutulyp”edilýändigini birazgydan tekrarladylar.
Kiçi Berdimuhamedow teklibi goldady we munuň “mukaddes işdigini” aýtdy.
Metjitler şu ýerlerde gurlar:
-Ahal welaýatynyň edara merkezi Änewde,
-Balkan welaýatynyň Hazar şäherinde,
-Daşoguz welaýatynyň Ruhybelent etrabynda,
-Lebap welaýatynyň Döwletli etrabynda,
-Mary welaýatynyň Şatlyk şäherindäki Oguzhan etrabynda.
2020-nji ýylyň noýabrynda prezident Gurbanguly Berdimuhamedow Balkan welaýatynyň Balkanabat(öňki Nebit Dag) şäherinde sebitiň iň uly metjidini açypdy. Şonda TDH soňky ýyllarda Türkmenistanda dört sany täze metjidiň açylandygyny habar beripdi.
The post Türkmenistanyň bäş welaýatynyň ählisinde täze metjit gurlar first appeared on Türkmenistanyň Hronikasy.