Türkmenistanda prezidentiň “Türkmenistan Beýik Ýüpek ýolunyň ýüregi” atly eseriniň fransuz dilinde çykan kitaby tanyşdyrylýar. Bu baradaky reportaž türkmen telewideniýesinde 31-nji awgustda görkezildi.
Şondan bir gün öň, 30-njy awgustda fransuz kompaniýalarynyň ýolbaşçylary Cifal Žil Remi weVinci Alen Bonno Gurbanguly Berdimuhamedowa onuň fransuz dilinde neşir edilen kitabyny sowgat berdiler.
“Türkmenistan Beýik Ýüpek ýolunyň ýüregi” kitaby Gurbanguly Berdimuhamedowyň adyndan çap edilen 40-dan gowrak kitabyň arasynda iň meşhury boldy.
Ol 2017-nji ýylyň 9-njy oktýabrynda jemgyýetçilige hödürlendi.Bu kitabyň ady 2018-nji ýylyň şygaryna öwrüldi, GDA-nyň, Ýewropanyň dürli ýurtlarynda we Saud Arabystanynda onuň prezentasiýalary geçirildi.
TDH habar gullugy 10-njy iýunda dynç alyşdaky prezidentiň bu kitabyň dowamyny ýazmaga başlandygyny habar berdi.