Şu ýylyň 6 — 10-njy oktýabry aralygynda Gyrgyz Respublikasynyň Bişkek şäherinde GDA ýurtlaryndan bolan sazandalaryň on ýedinji ýaşlar Delfiýa oýunlary geçiriler. Bu oýunlara ilkinji gezek türkmenistanly ýaşlar hem gatnaşýar.
Türkmenistan: Altyn asyr web saýtynyň habar bermegine görä, Delfiýa oýunlaryna Maýa Kulyýewa adyndaky Türkmen milli konserwatoriýasyndan Ýarjemal Ýagşymyradowa (fortepiano), Şaislam Komiljanow (fortepiano), Elina Gurbanowa (skripka), Seýran Atanyýazow (skripka), Maýa Kulyýewa adyndaky Türkmen milli konserwatoriýasynyň ýanyndaky ýörite sazçylyk mekdep-internatyndan Aýnur Otuzowa (fortepiano), Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebinden Arslan Şaripow (akkordeon) gatnaşarlar.
Stella Faramazowa bolsa bäsleşige konsertmeýster bolup gatnaşar.
Bäsleşik iki tapgyrda geçirilip, onuň netijesinde bolsa toparlaryň gazanan ballarynyň sanyna görä, ýeňijiler yglan edilip, olara degişli baýraklar gowşurylar.