25-nji maýda Hindistanyň Haýdarabat şäherinde tennis boýunça 14 ýaşa çenli ýetginjekleriň arasynda Aziýanyň çempionatyna ― Asian 14&U Grade A halkara ýaryşyna badalga berildi. 1-nji iýuna çenli dowam etjek ýaryşa türkmenistanly tennisçi Ilima Guseýnowa hem gatnaşýar.
Miraly Gasanowyň şägirdiniň ýaryşa üstünlikli girişendigini aýratyn nygtamak gerek. Ol ýekelikdäki bäsleşikde 1/32 finaldaky garşydaşyny — hindi tennisçisi Sanidýu Karantudy 6:1, 6:2 hasabynda ýeňmegi başardy, bäsleşigiň 1/16 böleginde bolsa Hindistanyň wekilleriniň ýene birini — Jahnawi Tamminedi 6:1, 6:3 hasabynda ahmyrda goýdy. Bu ýeňişleri Ilimany ýaryşyň 1/8 finalyna çykardy.
Türkmen tennisçisi jübütleýin bäsleşikde hem şowly çykyş edýär. Ol hindi tennisçisi Karthiko Padmakumar bilen jübütlikde utgaşykly oýun görkezdi we ýarymfinala çykmagyň hötdesinden geldi.
Ýaryşa ABŞ-dan, Singapurdan, Tailanddan, Hytaý Taýpeýinden hem-de ýer eýeleri bolan Hindistandan tennisçi gyzlar gatnaşýar.