Şu gün Aşgabatdaky Döwlet medeniýet merkeziniň Mukamlar köşgünde Türkmenistanyň Prezidenti Gurbanguly Berdimuhamedowyň Permany bilen Türkmenistanyň at gazanan artisti diýen hormatly ada mynasyp bolan sungat işgärlerine bu adyň şahadatnamalarynyň gowşurylyş dabarasy geçirildi.
Watan habarlar gepleşiginde habar berlişi ýaly, medeniýet we sungat işgärleriniň gatnaşmagynda geçirilen dabarada Türkmenistanyň Ministrler Kabinetiniň Başlygynyň orunbasary Mährijemal Mämmedowa çykyş edip, döwlet Baştutany tarapyndan döredilýän mümkinçilikler, ýaşlary ählitaraplaýyn goldamak bilen durmuşa geçirilýän işler dogrusynda belledi. Soňra hormatly ada mynasyp bolan sungat wekillerine degişli şahadatnamalar gowşuryldy.
Türkmenportal habarlar portalynda ozal habar berşimiz ýaly, Türkmenistanyň Prezidentiniň gol çeken Permanyna laýyklykda, 2022-nji ýylyň 16-njy fewralynda Türkmenistanyň Döwlet sirkiniň döredijilik toparynyň Türkmen äheňleri estrada-simfoniki orkestriniň ýokary derejeli sazandasy Serdar Haýdarowa, Balkan welaýatynyň Bereket etrabynyň Medeniýet bölüminiň medeniýet merkeziniň çagalar we ýetginjekler bilen işleýän hünärmeni Aly Alyýewe, Mary welaýatynyň Mary şäher Bagşylar öýüniň akkompaniatory Azat Oramadowa Türkmenistanyň at gazanan artisti diýen hormatly atlar dakyldy.
Şeýle-de okaň!