Türkmenistanly Yhlas Narimanow küşt boýunça mekdepleriň arasyndaky toparlaýyn dünýä çempionatynda ýekelikdäki hasap boýunça kümüş medala mynasyp boldy. Bu barada ýurduň küşt federasiýasynyň Metbugat gullugy habar berdi.
Türkmenabat şäheriniň 41-nji orta mekdebiniň 6-njy synp okuwçysy 12 ýaşa çenli küştçileriň arasynda ikinji tagtada çykyş etdi we performans-reýting oýun derejesini (87,5 %) görkezdi. Bu netije Y.Narimanowa ýaryşy aýratyn sanawda ikinji ýerde tamamlamaga mümkinçilik berdi.
Mekdepleriň arasyndaky toparlaýyn dünýä çempionaty Aktauda (Gazagystan) dünýäniň 50-den gowrak ýurdundan 350 töweregi mekdep okuwçysynyň gatnaşmagynda geçirildi.