21-nji dekabrda Aşgabatda žurnalist Aşyrguly Baýryýew aradan çykdy. Ol uzak wagtlap “Azatlyk” radiosynyň ştatdan daşary habarcysy bolup işledi. Baýryýew 2010-njy ýylyň iýunynda Deýwid Burke adyndaky Halkara žurnalistika baýragyna mynasyp boldy.
Aşyrguly Baýryýew şahyr, kyssaçy, žurnalist.
Ol 1951-nji ýylda Gyzylarbat raýonynyň Şarlawuk obasynda doguldy.
Baýryýew Nebitdag telewideniýesinde, Krasnowodsk oblastynyň “Zähmet baýdagy” gazetinde, SSKP-niň Krasnowodsk oblast komitetinde işledi.
80-nji ýyllaryň ahyynda TKP MK-nyň Ideologiýa komissiýasynyň instruktory (ozal agitasiýa we propaganda bölümi) boldy.
Baýryýew 1990-njy ýylyň oktiýabryndan “Edebiýat we sungat” gazýetiniň baş redaktory wezipesini eýeledi.
TSSR DHK-synyň gizlin repressiw operasiýalary hakynda ýazylan “Tamda gulak bar” atly makalanyň awtory.
Ol “Demokratik reformalar hereketiniň” (N.Ýakowlew-E.Şewardnadze) türkmen toparynyň inisiatorlarynyň biri.
Onuň soňky iş ýeri “Diýar” žurnaly bolupdy.
Aşyrguly Baýryýew 1996-njy ýylda hünäri boýunça işlemek mümkinçiliginden mahrum edildi.