Düýn, 24-nji noýabrda Bütindünýä Söwda Guramasynyň ştab-kwartirasynda Türkmenistanyň bu gurama agzalyga girmeginiň arzasyny resmi taýdan gowşurmak dabarasy geçirildi diýip, ORIENT habar berýär.
Wise-premýer Serdar Berdimuhamedowyň goly bolan haty BSG-niň Baş direktory Ngozi Okonjo-Iweala BMG-niň Ženewadaky bölüminiň ýanyndaky hemişelik wekili Atageldi Haljanow gowşurdy.Bu arza BSG agza döwletler we synçylar tarapyndan Ženewada 2021-nji ýylyň 30-njy noýabryndan 3-nji dekabry aralygynda — dört ýyldan bäri ilkinji gezek geçiriljek 12-nji Ministrler maslahatynda (MC12) ara alnyp maslahatlaşylar.
Maslahatyň plenar mejlisinde Türkmenistanyň maliýe we ykdysadyýet ministri Muhammetgeldi Serdarow çykyş eder.Munuň üçin ol geljek hepdede Şweýsariýa sapar bilen gider.Belläp geçsek, 2020-nji ýylyň 22-nji iýulynda Türkmenistana Bütindünýä Söwda Guramasynda synçy derejesi berlipdi.