5-nji iýulda Türkmenistanda Eýran Yslam Respublikasynyň prezident saýlawlarynyň ikinji tapgyry geçiriler.
Eýranyň Aşgabatdaky ilçihanasynyň habar bermegine görä, Türkmenistanda ýaşaýan eýran raýatlary saýlawa gatnaşyp bilerler. Ses beriş nokatlary Aşgabatdaky Eýran ilçihanasynda we Marydaky baş konsullygynda açylar.
Ses berişlik Türkmenistanyň wagty bilen irden sagat 08:00-dan agşam 18:00-a çenli dowam eder. Eýranly sürüjileriň amatlygy üçin Lotfabad we Aşgabat terminallarynda mobil ses beriş gutusy hereket eder.
Geçen hepde geçirilen birinji tapgyrda iki dalaşgär - Masud Pezeşkian we Said Jalili ikinji tapgyra geçdiler. Eýranly saýlawçylar hut olaryň ikisiniň arasynda soňky saýlawyny etmeli bolarlar.