Türkmenistanyň prezidenti Gurbanguly Berdimuhamedow Ministrler kabinetiniň başlygynyň orunbasarlaryna, mejlisiň (parlamentiň) deputatlaryna we Ylymlar akademiýasyna ýurtda internet ulgamyny we elektron sistemany ösdürmek üçin ýörite programma işläp düzmegi tabşyrdy diýip, ТДХ döwlet habar gullugy habar berýär.
Plana laýyklykda, “Altyn Asyr” öýjükli operatory Türkmenistanyň ýaşaýjylarynyň 3G, 4G, ýakyn geljekde bolsa 5G ulgamlary boýunça internete birikmegini doly we hemme taraplaýyn üpjün etmeli.
TDH-nyň maglumatyna görä, häzirki wagtda paýtagtda maglumatlary geçiriş tizligi ortaça sekuntda 20 Gigabit, ýöne ýakyn geljekde bäş esse ýokary tizlikde 100 Gbit/s informasiýa geçiriş koridoryny döretmek planlaşdyrylýar.
Welaýat merkezlerinde geçiriş tizligi 40 Gbit/s töwreginde bolar, etrap merkezlerinde tizlik 10 Gbit’s derejesine çenli ýetiriler, etrap merkezleri bilen daýhan birleşikleriniň arasynda bolsa, tizlik 4 Gbit’s drejesine ýetiriler.
Türkmenistanyň raýatlarynyň elektron hyzmatlardan doly möçberinde peýdalanyp bilmegi üçin bolsa, ID-kartlary şahsyýeti anyklaýan, mazmuny boýunça içerki pasportyň ornuny tutýan kartlar giriziler.
ID- karty — bu şahsyýtiňi tassyklaýan, eýesiniň şahsyýeti barada sifrlenen maglumatlary özünde jemleýän, onuň fotosuraty, ady, şahsy nomeri, golunyň nusgasy, biometrik maglumatlary bolan resmi dokument.
Mundanam başga, Türkmenistanyň elektron senagatyny we elektron hyzmatlary ösdürmek wesipeleri importyň ornuny tutýan, gazyň, suwuň, elektrik energiýasynyň ulanylyşyny bellige alýan tehniki serişdeleri (ölçeýjileri TH-nyň belligi), internet ulgamynyň aparatlaryny we enjamlaryny, Wi-Fi routerlerini, modemleri, IP-týunerlerini öndürmgi öz içine alýar.
Mysal üçin, şu günki günde Türkmenistanda internete birikmegiň tizligi juda pes bolmagynda galýar, tarifiň bahasy bolsa örän gymmat.
136 ýurtda internete birikmegiň tizliginiň derejesi boýunça Speedtest Global Index tarapyndan taýýarlanylýan aýlyk görkezijide Türkmenistan 126-njy orunda ýerleşýär.
Mundanam başga, “Altyn Asyr” döwlet operatorynyň köp abunaçysy aragatnaşygyň ýygy-ýygydan kesilmeginden, birikmegiň juda haýallygyndan, öz hasaplaryndan esassyz töleg serişdesiniň tutulmagyndan şikaýat edýärler.