30-njy iýunda Türkmenistanda Lebap welaýatyndaky Garabil kaliý duzlary ýatagynda kaliý dökünlerini öndürýän zawody proýektirlemek we doly gurup bermek baradaky tenderiň möhleti uzaldyldy. Tender dokumentlerini tabşyrmagyň soňky möhleti 2017-nji ýylyň 17-nji iýuly.
Başda tender 17-nji aprelde yglan edildi we dokumentleri tabşyrmagyň soňky möhleti 26-njy iýunda tamamlanýardy. “Reuters” habar gullugynyň maglumatyna görä, proýetktiň bahasy $1,4 milliarda golaý.
Belarusyň prezidenti Aleksandr Lukaşenko 22-nji aprelde “Türkmenistandaky ikinji dag-magdan baýlaşdyryş zawodynyň gurluşygyny maňa ynanmagy wada berdiler” diýdi.
Emma belarus tarapy 10-njy maýda Türkmenisstanyň Garlykda gurlan dag-magdan baýlaşdyryjy zawodyň gurluşygy üçin entek doly hasaplaşmandygyny yglan etdi.
Ýatladýarys, mart aýynda Türkmenistanda kaliý dökünlerini öndürýän belarus zawody açyldy, onuň bahasy $1 milliard.
Kombinatyň maksimal öndürijilik kuwwaty ýylda 1,4 million tonna döküne barabar.Emma ol häzirki pursatda proýekt kuwwatynyň diňe 7 prosentinde işleýär.
Garlyk dag-magdan baýlaşdyryş kombinatynyň dökünlerini turuwbaşdan Hindisatana we Hytaýa eksport etmek planlaşdyryldy.