Ussat-Inžener türkmen gurluşyk kompaniýasy gurluşyk tehnikalarynyň we materiallarynyň Angar.tm atly täze onlaýn-dükanyny açdy.
Angar.tm web saýty jaýlary abatlamak we gurluşyk işleri bilen meşgullanýan adamlardan başlap, gurluşyk kompaniýalaryna we kärhanalaryna çenli giň ulanyjylar köpçüligi üçin niýetlenendir. Onuň önümleriniň hatarynda abatlaýyş we gurluşyk üçin müňlerçe ýokary hilli önümler bar.
Angar.tm internet-dükanynda ýigrimiden gowrak haryt görnüşleri hödürlenýär:
- gurluşyk tehnikalary: ýük awtoulaglary, awtokranlar, ýükleýjiler, ekskawatorlar, buldozerler we ş.m.;
- gurluşyk materiallary we gurallary: elektrik gurallar, el iş gurallary, timarlaýyş materiallary, berkitme önümleri we ş.m.
Şeýle hem saýtdan ýyladyş we howa çalşygy ulgamlaryny, mebelleri, kompýuter we hojalyk tehnikalaryny, başga-da köp sanly zatlary tapmak bolýar.
Katalogda önümler barada esasy maglumatlar — düşündirişler, olaryň häsiýetnamalary we fotosuratlary bar.
Internet-dükandaky käbir zatlaryň 70%-e çenli arzan bahalardan ýetirilýändigini bellemek gerek.
Saýt türkmen we rus dillerinde elýeterlidir. Onuň interfeýsi ulanyjylar üçin oňaýly bolup, gözlemegi ýeňilleşdirýär. Gözleg süzgüçleri bolsa zerur gurluşyk materiallaryny tiz hem-de anyk saýlap almaga ýardam edýär.
Angar.tm web saýtyna girmek bilen, Türkmenistanyň islendik ýerinden sargyt edip bilersiňiz.