Türkmenistantň prezidenti Gurbanguly Berdimuhamedow 16-njy martda “Daşary ýurt döwletlerinde berlen ýokary we orta hünär bilimi hakyndaky resminamalary Türkmenistanda ykrar etmegiň Tertibini tassyklamak hakyndaky” karara gol çekdi.
Bu dokument Türkmenistanda diplomlary ykrar ediljek daşary ýurt ÝOJ-larynyň sanyny çäklendirýär. “Azatlyk” radiosy bu maglumaty hökümete tarapdar “Turkmenportal” saýtyna salgylanyp ýaýratdy.
Habarda aýdylmagyna görä, Türkmenistanda dünýäniň öňdelikdäki räýtinglerine girýän uniwersitetleriň diplomlary we Bilim ministrligi tarapyndan tassyklanan käbir aýratyn alnan hünär ugurlary boýunça alnan diplomlar ykrar ediler.
Sanaw AcademicRanking of World Universities, QS World University Rankings we The Times Higher Education World University Rankings agentlikleriniň resmi saýtlarynda çap edilen reýtinglere esaslanar.
Okuwyň gündizki bölümde, ýagny gaýybana bolmaly däldigi bellenilýär, GDA ÝOJ-lary üçin bolsa, okuw möhleti şol hünärler boýunça Türkmenistanda okalýan okuw möhleti bilen deň bolmaly. Beýleki ýurtlarda okalýan okuwlaryň möhleti UNESCO tarapyndan tassyklanan okuw möhletine deň bolmaly.
Düzgün dokumente gol çekilen gününden güýje girizilýär. “Azatlygyň” maglumatyna görä, şu ýylyň 16-njy martyna çenli daşary ýurt ÝOJ-laryna girenlere bu düzgünler degişli bolmaz.
“Türkmenistanyň Hronikasynyň” redaksiýasyna diplomlary ykarar ediljek ÝOJ-laryň 196-syny sanawyny almak başartdy.
1 of 4
Mundan başga, TH, çeşmäniň tassyklamagyna görä, Türkmenistanda ykrar ediljek hünärleriň sanawyny hem almagy başardy. Emma häzirlikçe bu sanawy doly tassyklatmak başartmady.
1 of 2
Mundan öň “rugsat berlen” ýokary okuw jaýlarynyň sanawynyň eýýäm banklara barandygy habar berildi. Indi döwlet kursundan diňe Bilim ministrrligi tarapyndan tassyklanan ÝOJ-larda okaýan studentlere pul geçirip bolar.