Türkmenistanyň Bilim ministrliginiň saýtynda ýurtda diplomy ykrar edilýän daşary ýurtlaryň ýokary okuw mekdepleriniň doly sanawy neşir edildi. Sanawa tutuş dünýä boýunça 1600-den gowrak ýokary okuw mekdepleri girizildi.
Çeşmede bellenilişi ýaly, 2022-nji ýylyň ýokary okuw mekdepleriniň sanawy Academic Ranking of World Universities we QS World University Rankings reýtingleri esasynda düzüldi.
Bilim ministrliginiň saýtynda şeýle hem Türkmenistanda diplomy ykrar etdirmegiň tertibi bilen hem tanşyp bolar.
Ýokary okuw mekdepleriniň doly sanawy bilen şu salgydan tanşyp bilersiňiz.