Türkmenistana prezident Gurbanguly Berdimuhamedowy Türkmen atynyň güni bilen gutlamak üçin birnäçe ýokary derejeli myhman geldi.
Hususan-da, döwlet baştutany 28-nji aprelde John Deere amerikan kompaniýasynyň oba hojalyk we bag-seýilgäh enjamlary bölüminiň prezidenti Markwart fon Pentsiiň; Germaniýa Federatiw Respublikasynyň Sattel kompaniýasynyň ýolbaşçysy Kristof Reýzeniň; Bahreýn patyşalygynyň atçylyk we at ýaryşlary federasiýasynyň prezidenti Şeýh Faýsal Ben Raşid Ben Isa Al-Halifanyň; Katar döwletiniň Emiriniň dogany Şeýh Tani Bin Hamad Bin Halifa Al Taniniň; Saud Arabystany patyşalygynyň tebigaty goramak, suw we oba hojalyk ministri Abdulrahman Abdulmohsen Al Fadleýiň gutlaglaryny kabul etdi.
Şeýle-de, Halkara welosipedçiler birleşiginiň ýolbaşçysy Dawid Lappartýen hem-de ARETI halkara kompaniýalar toparynyň ýolbaşçysy Igor Makarow dagy bilen duşuşyk boldy.
Mundan başga, 27-28-nji aprelde Tatarystan Respublikasynyň prezidenti Rustam Minnihanowyň hem Türkmenistana döwlet sapary boldy.
1 of 2