27-nji maýda Türkmenistanyň Kazandaky konsuly Atadurdy Baýramowyň ýolbaşçylygyndaky konsulhana wekilleri “ Ak Bars’ gämi gurluşygy” paýdarlar jemgyýetiniň baş ýolbaşçysy Renat Mistahow bilen duşuşdylar diýip tatar şirketiniň saýtynda habar berilýär.
Olar gämileriň remonty we gämi gurluşygy şol sanda, Türkmenbaşy şäherindäki halkara deňiz portyndaky “Balkan” gämi gurluşugy zawodynyň hünärmenlerini taýýarlamak boýunça hyzmatdaşlygy dowam etdirmegi maslahatlaşdylar.
Bellenmegine görä, duşuşyk iki hepde mundan owal Kazana sapar eden Türkmenistanyň Milli Geňeşiniň Halk Maslahatynyň başlygy Gurbanguly Berdimuhamedowyň tabşyrygy bilen geçdi. Ol Tatarystanyň prezidenti Rüstem Minnihanow bilen gepleşikler geçiripdi.
Mundan owal “Ak Bars” Türkmenistanda taslamasynyň “Rowaç” we “Rahat” atly ýokary tizlikli teplohodlary gurupdy.
Owalky habarlara görä, Türkmenbaşydaky “Balkan” zawodyndaky iki paromyň we gury ýük daşaýan gäminiň remonty üçin OPEK fondy 45 milýon dollar berer.
Ýenede 135,25 milýon dollary Yslam Ösüş bankyndan Türkmenistan sorady.
Türkmenbaşydaky täze deňiz porty, “Balkan” gämi gurluşyk zawody 2018-nji ýylyň maýynda işe girizilipdi.
Olaryň gurluşygy 1,5 milýard dollara düşüpdi. Şol döwürde zawodda her ýyl 4-6 gäminiň guruljakdygy habar berilipdi.
Emma, henize çenli “Balkanda” ýekeje gämi hem gurulmady.The post Türkmenistan we Tatarystanyň şirketi Türkmenbaşyda bilelikde gämiler gurmagy iki ýyllap maslahatlaşýarlar first appeared on Türkmenistanyň Hronikasy.