Türkmenistan 27 30-njy noýabrda Stambul şäherinde geçiriljek 10-njy Bütindünýä halal sammitine we “Halal Ekspo 2024” sergisine gatnaşar. Türkmenistanyň wekiliýetine Söwda-senagat edarasynyň başlygy Mergen Gurdow ýolbaşçylyk eder.
“B2B” görnüşde geçiriljek ýarmarka sammitiň möhüm çäreleriniň biri bolar. Onda Türkmenistanyň kompaniýalary 500 sany halkara alyjylar bilen göni gepleşikleri geçirmäge mümkinçilik alarlar.
Sergä gatnaşmaklyk eksport mümkinçiliklerini giňeltmek we halal önümler senagatynda ýurduň eýeleýän ornuny berkitmek üçin mümkinçilikleri açar.
Öz ulgamynda iri meýdança hasaplanylýan bu çärä 25-den gowrak ýurtdan 40 müňe golaý gatnaşyjynyň, şol sanda söwda ulgamyndaky bilermenleriň we hünärmenleriň gatnaşmagyna garaşylýar. Sergi işewürlik gatnaşyklary ýola goýmak we Türkmenstanda öndürilýän önümleri dünýä bazaryna çykarmak üçin ajaýyp mümkinçiligi hödürlär.
Neşirimize ýazylmak üçin:
WhatsApp: Biznes Türkmenistan
Telegram: Biznes Türkmenistan
Instagram: Biznes Türkmenistan
X: Biznes Türkmenistan
Dzen: Бизнес Туркменистан