26-njy iýulda Türkmenistanyň daşary işler ministri Raşid Meredow Fazal Muhammed Sabire onuň Owganystanyň Türkmenistandaky Işeri wagtlaýyn ynanylan wekildigini tassyklaýan resminamany gowşurdy.
Türkmenistanyň daşary syýasat edarasynyň habar bermegine görä, owgan diplomaty birnäçe ýyllaryň dowamynda Aşgabatda öz ýurduna wekilçilik edýär.
Duşuşygyň barşynda taraplar iki doganlyk döwletiň arasyndaky ikitaraplaýyn gatnaşyklaryň dostlukly häsiýetini bellediler.Türkmenistanyň we Owganystanyň gatnaşmagynda durmuşa geçirilýän iri göwrümli halkara energetika, ulag we infrastruktura taslamalarynyň iş ýüzünde durmuşa geçirilmegi bilen baglanyşykly meseleleriň giň toplumyna garaldy. Şunda, ilkinji nobadatda, Türkmenistan Owganystan Pakistan Hindistan (TOPH) transmilli gaz geçirijisiniň taslamasyna, Türkmenistan Owganystan Päkistan (TOP) ugry boýunça elektrik geçirijisiniň we optiki-süýümli aragatnaşyk ulgamyna, şeýle hem Türkmenistandan Owganystana çenli demir ýolunyň gurluşygyna üns çekildi.