15 — 17-nji maý günlerinde Azerbaýjanyň paýtagty Baku şäherinde ýerleşýän Ekspomerkezde 17-nji Caspian Agro we InterFood halkara sergisi geçiriler. Oňa taryhda ilkinji gezek Türkmenistanyň wekilleri hem gatnaşarlar. Şeýle-de, Wenesuela hem bu sergä ilkinji gezek gatnaşar. Bu barada Azernews habar berýär.
Çeşmäniň habar bermegine görä, agzalan halkara sergide Türkmenistan we Wenesueladan başga-da, Germaniýa, ABŞ, Belarus, Belgiýa, Çehiýa, Hytaý, Koreýa Respublikasy, Estoniýa, Owganystan, Ispaniýa, Finlýandiýa, Fransiýa, Gruziýa, Hindistan, Eýran, Ysraýyl, Şwesiýa, Şweýsariýa, Italiýa ýaly ýurtlaryň kompaniýalary öz hyzmatlaryny we önümlerini görkezilişe çykararlar.
Üç günlük Caspian Agro we InterFood halkara sergisiniň esasy bölümlerine oba hojalyk tehnikalary we enjamlary, suwaryş ulgamlary, gaplamalar, oba hojalygynyň maldarçylyk we guşçylyk, aryçylyk, iýmit, weterinariýa, bagbançylyk, dökünler, miweler we gök önümler ýaly ugurlaryna degişli täze innowasion tehnologiýalar köpçülige hödürleniler.