Düýbi ABŞ-ky resmi däl “Freedom House”guramasy “ Dünýäde azatlyk 2022” ýyllyk hasabatyny ýaýratdy. Onda Türkmenistan mümkin bolan 100 baldan 2 ball alyp, “azat däl” ýurtlaryň hataryna girdi.
Siriýa we Sudan Türkmenistandan bir ball az aldylar.
Adatça, halkara guramalaryň hasabatlarynda Türkmenistan bilen bir orunda bolan Eritreýa we Demirgazyk Koreýa 3 balldan alyp, olaryň ählisi “azat däl” ýurtlaryň hataryna girdiler.
Hasabatyň awtorlarynyň sözlerine görä, “Türkmenistanyň awtokrat hökümeti ýurtda Covid-19 ýokanjynyň bardygyny doly inkär etmegini dowam edýär”.
Türkmenistan 2021-nji we 2020-nji ýyllarda hem iki ball alypdy.
Gyrgyzystan 27 ball (azat däl), Gazagystan 23 ball (azat däl), Özbegistan 11 ball (azat däl), Täjigistan 8 ball(azat däl) we Russiýa 19 ball (azat däl) aldylar.The post Türkmenistan “Dünýäde azatlyk 2022” reýtingde ýene 100-den bary-ýogy iki ball aldy first appeared on Türkmenistanyň Hronikasy.