Türkmenistan Bütindünýä Söwda Guramasyna agza bolmak üçin arza berdi diýip,guramanyň baş ýolbaşçysy Ngozi Okonjo-Iweala özüniň Twitter hasabyndan habar berdi.
Çap edilen suratda BMG-niň Jenewadaky bölüminde Türkmenistanyň wekili bolan Atageldi Haljanow bu barada degişli resminamany guramanyň baş ýolbaşçysyna gowşurýar.
“Türkmenistan BSG-na agza bolmaga işleriň başlanmagy üçin arzasyny berdi” diýip Ngozi Okonjo-Iweala ýazýar.
Turkmenistan deposits its application to begin the accession process to join @WTO!
With Turkmenistan Ambassador H.E Mr.Atageldi Haljanov. @UN_Turkmenistan pic.twitter.com/bjCdHpArYr
— Ngozi Okonjo-Iweala (@NOIweala) November 25, 2021
14-nji oktiýabrda Türkmenistanyň BSG-na goşulmagy boýunça hökümet toparynyň mejlisi geçdi. Şonda Türkmenistanyň daşary söwda işleriniň jarnamasyny taýýarlamak babatda 2020-2022-nji ýyllardaky işleriň meýilnamasynyň taslamasy, şeýlede BSG-niň 30-njy noýabrdan 2-nji dekabr aralygynda Jenewada geçýän XII ministrler ýygnagynda ýurdyň gurama alynmagy maslahat edilipdi.
2020-nji ýylyň iýulynda Türkmenistan gurama synçy bolmak durumyny alypdy. Ýurdyň BSG-na doly hukukly agza bolmagy 2021-2030-njy ýyllar boýunça daşary söwda strategiýasynda göz öňünde tutulýar.
Türkmenistan BSG agza bolmagy 2016-njy ýyldan bäri maslahat edýär.
Ýurdyň häkimiýetleri munuň daşary ýurt maýa goýumlaryny çekmegine, maýadarlar üçin kepilnamalary hem açyk-aýdyňlygy üpjün etjekdigine garaşýarlar.The post Türkmenistan BSG agza bolmak üçin arza berdi first appeared on Türkmenistanyň Hronikasy.