Türkmenistan bilen ÝUNESKO bilelikdäki çäreleri geçirmegi meýilleşdirýär

Türkmenistan bilen ÝUNESKO bilelikdäki çäreleri geçirmegi meýilleşdirýär

5-nji sentýabrda Türkmenistanyň daşary işler ministri Raşid Meredow we ÝUNESKO-nyň Baş direktorynyň orunbasary Szin Sýuý gepleşikleri geçirdiler, onuň dowamynda Türkmenistan bilen ÝUNESKO-nyň arasynda özara gatnaşyklaryň möhüm meselelerini ara alyp maslahatlaşdylar we hyzmatdaşlygyň ýakyn geljekdäki gün tertibi barada pikir alyşdy.

Türkmenistanyň daşary syýasat edarasynyň habar bermegine görä, netijeli hyzmatdaşlygyň dowamynda taraplaryň türkmen halkynyň baý ruhy mirasyny wagyz etmeklige gönükdirilen bilelikdäki çäreleri durmuşa geçirendikleri hem-de bilim, ylym, ekologiýa we tebigaty goramak pudagynda işjeň hyzmatdaşlygy alyp barandyklary barada aýdyldy.

Taraplar Türkmenistanyň ÝUNESKO-nyň agzalygyna girmeginiň 30 ýyllygy mynasybetli, şeýle hem Magtymguly Pyragynyň 300 ýyllygy mynasybetli birnäçe bilelikdäki çäreleri geçirmek boýunça meýilnamalary barada belläp geçdiler.

2021-nji ýylda gol çekilen Türkmenistanyň hökümeti bilen ÝUNESKO-nyň arasynda 2021 2023-nji ýyllar üçin Hyzmatdaşlyk hakynda Ähtnamanyň, şeýle hem Türkmenistanyň hökümeti bilen ÝUNESKO-nyň arasynda Ynam gaznasyny döretmek hakynda 2015-nji ýyldaky Çarçuwaly ylalaşygyň ähmiýeti barada nygtaldy. Çarçuwaly ylalaşygyň durmuşa geçirilmegi üçin bilelikdäki hereketleriň meýilnamasyny düzmek boýunça ylalaşyk gazanyldy.

Türkmenistan bilen ÝUNESKO-nyň arasyndaky hyzmatdaşlygy has-da giňeltmäge ygrarlydyklaryny mälim etmek bilen, taraplar ylmy we bilim ulgamyndaky hyzmatdaşlygyň ösdürilmeginiň, milli medeni mirasymyzy wagyz etmek boýunça işleriň dowam etdirilmeginiň halkara medeni-ynsanperwer hyzmatdaşlygyň esasy gurallarydygyny belläp geçdiler.

Ýene degişli makalalar

USAID YDA frilanser bolup uzakdan Işlemek başarnyklary boýunça trening geçirdi
Prezident Erdogan, Gresiýanyň Premýer-ministrini Kabul Etdi
“Türkiýe, Daşary Ýurtly Maýadarlar Üçin Ynamdar Port Bolmaga Dowam Edýär”
Arkadag şäherinde we Ahal welaýatynda taksi çagyrmak hyzmaty işe girizildi
Gresiýanyň Daşary Işler Ministri Türkiýede Saparda Bolýar
Ynamly awto merkezi Türkmenistanda Kia we Hyundai awtoulaglaryna bejeriş we hyzmat ediş işlerini ýerine ýetirýär