2022-nji ýylyň ýanwar — awgust aýlarynda Türkmenistan Azerbaýjana 42 müň 831,33 tonna AI-92 benzini eksport etdi. Bu barada Interfaks-Azerbaýjan agentligi habar berdi.
Bu döwürde Türkmenistandan AI-92 benziniň Azerbaýjana eksporty 49 million 597,21 müň ABŞ dollaryndan gowrak boldy.
Türkmenistan bu ýangyjy goňşy ýurda eksport etmekde Russiýadan soň ikinji ýerde durýar. 2022-nji ýylyň ýanwar — awgust aýlarynda Azerbaýjan 198 müň 790,13 tonna AI-92 benzini import etdi. Bu bolsa geçen ýylyň degişli döwri bilen deňeşdirilende 39,8 esse köpdür.
Gymmatlyk nukdaýnazaryndan AI-92 benziniň importynyň mukdary 223 million 456,8 müň dollardan gowrak bolup, geçen ýylyň degişli döwri bilen deňeşdirilende 93,6 esse köpeldi.
AI-92 benziniň Azerbaýjanda diňe Geýdar Aliýew adyndaky Bakuw nebiti gaýtadan işleýän zawodynda öndürilýändigini bellemelidiris.Azerbaýjanyň Ministrler Kabinetiniň karary bilen, 2022-nji ýylyň 1-nji fewralyndan 2022-nji ýylyň 1-nji iýuny aralygynda AI-95 we AI-92 benzini import etmek üçin gümrük paçlary 15%-den nola çenli azaldyldy. Şeýle hem 2022-nji ýylyň ýanwar — awgust aýlarynda Azerbaýjan 7 million 747,05 müň ABŞ dollary möçberinde Türkmenistandan 8 müň 196,25 tonna Premium Euro-95 awtoulag benzini import etdi.