“Türkmenistan” awiakompaniýasy Aşgabat Hoşimin Aşgabat, Aşgabat Milan Aşgabat, Aşgabat London Aşgabat we Aşgabat Frankfurt Aşgabat halkara ugurlary boýunça awiabiletlere arzanladyş hödürleýär. Bu barada awiakompaniýanyň metbugat gullugy duşenbe güni habar berdi.
Ýolagçylar üçin arzanladyş 2024-nji ýylyň 1-nji fewralyndan 31-nji martyna çenli dowam edýär.
Aşgabat Hoşimin ugry boýunça uçuşlar 2024-nji ýylyň 5-nji martyndan hepdede iki gezek, Aşgabat Milan/Malpensa ugry boýunça bolsa 2024-nji ýylyň 6-njy martyndan hepdede bir gezek ýerine ýetiriler.
“Türkmenistan” awiakompaniýasynyň ýolagçy uçarlary şu ýylyň 15-nji fewralynda Kuala-Lumpur (Malaýziýa) şäherlerine, 16-njy fewralda bolsa Jidda (Saud Arabystany Patyşalygy) şäherine ilkinji ýolagçy gatnawlaryny amala aşyrdy.