Türkmenistan awiakompaniýasy Birleşen Arap Emirlikleriniň Abu-Dabi şäherine ýolagçy gatnawlarynyň gaýtadan başlandygyny mälim etdi. Bu barada howa gatnawçysynyň resmi web sahypasynda habar berildi.
Uçuşlar 17-nji noýabrdan başlar. Türkmenistan awiakompaniýasynyň uçarlary Abu-Dabi halkara howa menziline gonarlar.
Häzirki wagtda Türkmenistan awiakompaniýasy 7 şähere — Kazana, Stambula, Delä, Dubaýa, Pekine, Maýn boýundaky Frankfurta we Londona halkara gatnawlary amala aşyrýar.
Awiakompaniýanyň resmi turkmenistanairlines.tm web sahypasyndan uçuşlaryň häzirki tertibini görüp we onlaýn petek satyn alyp bilersiňiz.