Türkmenistanyň maliýe we ykdysadyýet ministri S.Joraýewiň ýolbaşçylygyndaky türkmen wekiliýeti XXVI Peterburg Halkara ykdysady forumyna gatnaşýar. 14-nji iýunda başlanan bu forum 17-nji iýuna çenli öz işini dowam eder.
Bu halkara ykdysady forumyň Uglerodyň kadalaşdyrylyşy we Aziýa, Afrika we Ýakyn Gündogar ýurtlarynda uglerod birlikleriniň özara dolanyşyk bazarlaryny döretmek. Dünýä ykdysadyýeti global öwrülişik döwründe atly mejlisinde Türkmenistanyň maliýe we ykdysadyýet ministri S.Joraýewiň çykyş etmegi meýilleşdirilýär.
Mundan başga-da, S.Joraýew forumyň çäklerinde Russiýa Federasiýasynyň ykdysady ösüş ministri Maksim Reşetnikow bilen duşuşmagyna garaşylýar.
26-njy Peterburg Halkara ykdysady forumy dünýäniň iň iri işewürlik forumlarynyň biridir. Forum 25 ýyl bäri dünýä ykdysadyýetiniň möhüm meselelerini ara alyp maslahatlaşmak we durnukly ösüşi üpjün etmek üçin öňdebaryjy dünýä tejribesini we başarnyklaryny paýlaşmak üçin öňdebaryjy platformalaryň biri bolup hyzmat edip gelýär.