Duşenbe şäherinde Merkezi Aziýa döwletleriniň Baştutanlarynyň geçirilmegi meýilleşdirilýän Konsultatiw duşuşygynyň çäklerinde Merkezi Aziýa ýurtlarynyň türgenleriniň arasynda suwda ýüzmek boýunça halkara ýaryşyna badalga berildi.Halkara ýaryşynda ýurdumyzyň suwdaky sport görnüşleri federasiýasynyň türgeni Nuraýewa 50 metr brass usulunda ýüzmekde 3-nji orny, Aşgabat şäheriniň 74-nji orta mekdebiniň okuwçysy Mirenskaýa 50 metr batterflaý usulda ýüzmekde 3-nji orny, Türkmen döwlet bedenterbiýe we sport institutynyň talyby Hommadow 200 metr arkanlygyna ýüzmekde 3-nji orny eýelediler.
Şeýle hem Türkmenistanyň Suwdaky sport görnüşleri federasiýasynyň türgeni Nuraýewa we Aşgabat şäheriniň 74-nji orta mekdebiniň okuwçysy Mirenskaýa estafeta görnüşinde 100 metr aralygy 4 gezek ýüzmegiň erkin usulunda ýüzmekde gyzlaryň arasynda 2-nji orny eýelediler. Şeýlelikde, ýurdumyzyň türgenleri bu halkara ýaryşynda 1 kümüş, 3 bürünç medallara mynasyp boldular.
Merkezi Aziýa ýurtlarynyň türgenleriniň arasynda suwda ýüzmek boýunça halkara ýaryşy dowam edýär.