AFK Kubogy ýaryşynda türkmen klublary toparçalardaky ilkinji duşuşyklaryny geçirdiler. Ýurdumyzyň çempiony “Altyn asyr” “E” toparçada Täjigistanyň “SSKA Pamir” topary bilen duşuşdy.Esasan hem duşuşygyň 2-nji ýarymy “Altyn asyryň” yzygiderli hüjümleri bilen geçdi.
Oýnuň 86-njy minutynda ildeşlerimiziň çep gyradan geçiren hüjüminde ýer eýeleriniň oýunçylaryndan Elçibek Raşidbekow topy ýalňyşlyk bilen öz derwezesinden geçirdi. Şeýlelikde, 1-0 öňe saýlanan “Altyn asyr” toparynyň bu üstünligi uzak dowam etmedi.
Oýnuň 90+3-nji minutynda meýdança soň giren Abdullo Şaripow hasaby deňledi we duşuşyk 1-1 hasabynda deňlikde tamamlandy.Toparçadaky beýleki oýunda-da Özbegistanyň “Sogdiana” topary Gyrgyz Respublikasynyň “Neftçi” toparyndan 2-0 üstün çykdy.
“D” toparçada ýaryşa ilkinji gezek gatnaşýan “Köpetdag” topary Bişkekde oýnalan duşuşykda Täjigistanyň “Hujand” toparyndan 3-1 asgyn geldi. Täjik toparynyň gollaryny 3-nji we 7-nji minutlarda Daler Ýodgorow hem-de 85-nji minutda Tohir Malodustow geçirdi. Ildeşlerimizden Begenç Akmämmedowyň 58-nji minutdaky goly ýeňşe ýeterlik bolmady.