Dünýäniň 22 ýurdundan 30 töweregi žurnalist, şol sanda Türkmenistanyň Telewideniýe, radiogepleşikler we kinematografiýa baradaky döwlet komitetiniň wekilleri Hytaýyň günorta-günbataryndaky Tibet awtonom sebitinde bäş günlük saparda boldular.
Saparyň dowamynda olar ýerli ýaşaýjylar we işgärler bilen söhbetdeşlik geçirdiler we sebitiň durnukly ösüşine we medeni dürlüligine şaýat boldular.
Sişenbe güni başlanan bu saparyň çäklerinde žurnalistler sebitiň paýtagty Lhasa şäherine we Nyingçi şäherine baryp gördüler.Mundan başga-da, olar bu ýerde 3-nji Gimalaýüsti halkara hyzmatdaşlyk forumyna gatnaşdylar.
Forumda Hytaýyň daşary işler ministri Wang Ýi hem çykyş etdi.Wang Ýi Gimalaý sebitindäki döwletleri sebitiň durnukly ykdysady ösüşine, ulag we aragatnaşyk infrastrukturasyny bilelikde ösdürmäge we medeni alyş-çalyşlary giňeltmäge çagyrdy.
Forumyň mowzugy Ynsan bilen tebigatyň arasyndaky sazlaşygy ösdürmek, hyzmatdaşlygyň we ösüşiň miwelerini paýlaşmak diýlip atlandyryldy.Forumdan soň žurnalistler Nyingçiden Lhasa ýokary tizlikli otla mündüler.Olar Tibet muzeýine, Potala köşgüne we Jokang ybadathanasyna baryp gördüler, ýerli tebigat bilen tanyşdylar.
Olaryň diňe bir medeni ýadygärlikleri, milli geýimleri, aw we ekerançylyk medeniýetini, adaty Tibet lukmançylygyny, ýaşaýyş däplerini, halk aýdymlaryny we tanslaryny, dilini we edebiýatyny, senetçiligini, sport ýaryşlaryny, festiwallaryny, dini ynançlaryny we binagärlik sungatyny saklap galmak bilen çäklenmän, eýsem uglerodyň bitaraplygyny gazanandygy bilen tanyş boldular.