Türkmen döwlet telewideniýesiniň habar bermegine görä, prezident Gurbanguly Berdimuhamedow 17-nji maýda Ministrler kabinetiniň we Döwlet howpsuzlyk geňesiniň bilelikdäki mejlisini geçirip, goranmak ministri Ýaýlym Berdiýewe “garamagyndaky gulluklara gözegçiligi gowşadandygy üçin” berk käýinç yglan etdi.
Goranmak ministriniň adatdan daşary ýagdaýlar boýunça orunbasary, podpolkownik Orazmämmedow “işinde goýberen kemçilikleri üçin” wezipesinden boşadyldy.
Gurluşyk boýunça wise-premýer Amangeldi Dädebaýewe, Prezident diwanynyň we Ministrler kabinetiniň iş dolandyryjysy Hajymyrat Hajymyradowa, Aşgabadyň şäher häkimi Şamuhammet Durdylyýewe, jemagat hojalygy ministri Myratnyýaz Abylowa, şeýle-de “Türkmenhowaýollary” döwlet milli gullugynyň başlygy Döwran Saburowa berk käýinç yglan edildi.
15 -nji maýda agyr ýagan ýagyş netijesinde Aşgabadyň merkezi bölegini suw aldy. Şäher häkimieýtleri ýene bir gezek tebigy hadysa taýýarlyksyz bolup çykdy.
Belleýäris, TDH döwlet habar gullugynyň saýtynda we “Neýtralnyý Turkmenistan” gazetinde bu käýinçler we işden boşatma barada habar berilmeýär.