Tanymal žurnalist Gurbansoltan Açylowa we onuň garyndaşlary hukuk goraýjy guramalaryň wekilleri tarapyndan yzygiderli repressiýa sezewar edilýärler.
Ol öz hukuklaryny we öz garyndaşlarynyň hukuklaryny goramaga synanyşyp, ýazmaça prokuraturanyň ýerli guramalaryna, Baş prokuratura, MHM-ne, IIM-ne, Migrasiýa gullugyna, ýerli sudlara, Ýokary suda we Türkmenistanyň ombudsmany Ýazdursyn Gurbannazarowa ýüz tutdy.
Ýazdursyn Gurbannazarowa
Açylowa hususan-da, ogly Çary Açylowa (ol maýyp) ýetirilen maddy zyýan boýunça açylan işiň soňuna çenli derňelmegini talap etdi. Ýatladýarys, 2017-nji ýylyň aprelinde iki sany şahsyýeti näbelli adam onuň awtoulagynyň aýnasyny döwdi.
Emma, IIM-i we Prokuratura Açylowanyň ýüzlenmesine Aşgabat şäheriniň Berkarar etrabynyň polisiýa bölüminde bu fakt boýunça jenaýat işiniň açylandygyny we ähli çäreleriň görlendigini, emma hiz bir netije bermändigini aýdyp jogap berdi. Şunuň bilen baglylykda, jenaýat-prosessual kodeksiniň 308-nj maddasynyň 1-nji bendine laýyklykda, 2017-nji ýylyň iýunynda bu iş boýunça alnyp barylýan derňew bes edildi.
G.Açylowanyň gyzy Maýa Açylowanyň ýurtdan çykmagynyň ençeme gezek gadagan edilmegi barada ýazan arzasyna bolsa, Migrasiýa gullugy jogap berdi.Onda Migrasiýa gullugynyň we beýleki degişli gulluklaryň arzany öwrenendigi we M.Açylowanyň durumyny üýtgetmän galdyrmaly diýen nitejä gelendigi aýdylýar.
Bu Maýa Açylowanyň ýurtdan çykmasyz bolup galýandygyny aňladýar.Güýç gurluşlary şeýle karara gelmekleriniň hiç bir sebäbini görkezmeýärler.
Ombudsmen Ýazdursyn Gurbýannazarowanyň jogaby
Açylowa Türkmenistanyň ombudsmany Ýazdursyn Gurabannazarowadan hem ahyrynda jogap aldy. Emma, ol Açylowa beren jogabynda diňe Prokuratradan, IIM-den we Migrasiýa gullugyndan gelen haty göçürmek bilen çäklenipdir. Ol Gurbansoltan Açylowanyň ogly we gyzy babatynda olaryň gelen netijeleriniň kanunydygyny tassyklapdyr.
Gurbansoltan Açylowanyň ýazan ýüzlenme arzalarynyň ählisi aşakdaky salgyda elýeterli.
1 of 5