Ozal habar berşimiz ýaly, türkmen gimnastikaçylary Özbegistan Respublikasynyň Daşkent şäherinde geçýän halkara ýaryşa gatnaşýarlar.
26-njy awgustda, ýaryşyň birinji gününde türkmen ýygyndy toparynyň wekilleri medallaryň 11-sine eýe boldular. Şolaryň ýedisi altyn, dördüsi bolsa kümüş medallardyr.
Guralsyz çykyş etmek boýunça Hatyja Akmyradowa (2014), Sofiýa Bens (2015), Ilianna Tokarewa (2016) altyn medallara eýe boldular. Narmina Abbasowa (2015) hem-de Ameliýa Bens (2014) dagy bolsa şu görnüşden kümüş medal aldy. Toply çykyş etmek boýunça Mahym Gurbanowa (2013) altyn, Leýli Batyrowa (2013) kümüş medallary eýelediler. Bulawaly çykyş etmek boýunça Aşgabat şäherinden Fatima Kambarowa (2012) hem altyn medal gazandy.
Sara Gulberdiýew (2011) hem-de Mähri Pomanowa (2011) uly halkaly çykyş etmek ýaryşlarynda iň gowy netije görkezdiler we altyn medal aldylar. Aýsen Abdyllaýewa (2011) uly halkaly çykyş etmekde ikinji orna eýe boldy.
Türkmenistanyň ýygyndysynyň çykyşlary dowam edýär.