Türkmenistan bilen Eýran Yslam Respublikasynyň serhedinde hereket edýän Bajygyran bazary şu gün gaýtadan öz işine başlady. Mehrnews habarlar gullugynyň habar berşi ýaly, bu bazar koronawirus pandemiýasy sebäpli, 34 aý öz işini çäklendirdi.
Habarda nygtalyşy ýaly, bu bazar wagtlaýyn ýapylmazyndan ozal, her ýyl 4 million dollardan gowrak haryt Türkmenistana eksport, takmynan 500 müň dollarlyk haryt bolsa Eýrana eksport edilýärdi.
Bajygyran serhetýaka bilelikdäki bazary Türkmenistan bilen Eýranyň Horasan Razawi welaýatynyň arasyndaky söwda-senagat hyzmatdaşlygynda möhüm ähmiýete eýedir. Şeýle hem bu bazar ortaça 700-den gowrak adamy iş bilen üpjün edip bilýär.