Ozal habar berşimiz ýaly, Türkmenistanyň boks boýunça erkekler ýygyndysynyň türgeni Hursant Imankulyýew Daşkent şäherinde (Özbegistan) geçirilýän dünýä çempionatynda ilkinji tutluşygyny geçirip, ilkinji ýeňşini gazandy. Ol birinji ýarymorta agram derejede Bolgariýa wekilçilik edýän Dmitri Diaşkewiçi ýeňlişe sezewar etdi. Doly 5 raund dowam eden tutluşykda eminleriň gelen netijesine laýyklykda, türkmen boksçysy ýeňiji diýlip yglan edildi.
1-nji maýda badalga alan turnir14-nji maýa çenli dowam eder. Turnirde 13 agram derejede tutluşyklar geçiriler. Ýaryşa 104 ýurtda 640 türgen gatnaşar. Şolaryň ýedisi häzirki dünýä çempionlarydyr.
Turniriň baýrak gaznasy 5,2 million amerikan dollaryna barabardyr. Ýaryşyň ýeňijileri 200 müň amerikan dollary, kümüş medalyň eýeleri 100 müň amerikan dollary, üçünji orny eýelänler bolsa 50 müň amerikan dollary bilen sylaglanylar.
Daşkentde geçirilýän boks boýunça dünýä çempionatynyň tutluşyklaryna Türkmenistanyň çäginde Матч Т we Матч! Боец rus teleýaýlymlary arkaly tomaşa etmek mümkin.