Türkiýe Ysraýylyň Daşary işler ministri Ýisrael Katsyň sosial media platformasynda Prezident R.T.Erdogan hakynda beren habarnamasyna reaksiýa bildirdi.
Daşary işler ministrligi Ýisrael Katsyň habarnamasy hakynda ýazmaça beýannama berdi.
Beýannamada Katsyň Ysraýylyň palestinalylara garşy eden jenaýatlaryny “ýalanlaryň, töhmetleriň we sylaşyksyzlygyň aňyrsyna” gizlemäge çalyşýandygy nygtalýar.
Beýannamada, Ysraýylyň Türkiýäni we Prezident R.T.Erdogan hakyndaky “ýerliksiz propoganda işleri we psihiki operasiýa synanşyklarynyň” netijesiz galjakdygy nygtalyp, “Häkimiýet başynda galmak üçin Gazada 40 müňe barabar palestinalyny öldüren we sebitleýin uruş turuzmak isleýän Netanýahunyň kabinetiniň agzalary, halkara kazyýetlerde jenaýat işine çekilerler we eden jenaýatlarynyň hasabyny bererler.
Türkiýe palestin halkynyň adalatly we parahatçylykly şertlerde ýaşama hukugyny goramaga hem-de hakykatlary beýan etmage dowam eder” diýilýär.
Ysraýylyň Daşary işler ministri Kats sosial media hasabyndan Prezident R.T.Erdogan hakynda töhmet we kemsidiji mazmunly habarnama beripdi.