Türkiye respublikanyň taryhynda nebit öndürmek boýunça rekordyny täzeledi. Gündelik önümçilik 100 müň barrelden geçdi.
Gabarda tapylan nebit bu tapgyrda iň möhüm rol oýnady. Şehit Aýbüke Yalçyn we Şehit Esma Çewik nebit ýataklarynda gündelik önümçilik 40 müň barrelden geçdi.
Şeýlelik bilen, Türkiye şu ýylyň üçünji aýy tamamlanmanka 2024-nji ýyldaky nebit önümçiligine ýetdi.
2024-nji ýyldaky täze maksat bolsa ilki 150 müň barrele, soň bolsa 200 müň barrele ýetmek.
TPAO, Şehit Aýbüke Yalçyn ýatagyndaky täze açyşyň umumy nebit ätiýaçlyklaryny takmynan 1 milliard barrele, öndürip boljak ätiýaçlyklarynyň bolsa takmynan 600 million barrel hökmünde çak edýär.
Ilki bilen Hakkari we Wan welaýatlarynda täze buraw işleri gysga wagtyň içinde başlar.
Bu sebitde, esasanam Şehit leýtenant Ortaýer deňizi sebitinde ep-esli nebit gorunyň bardygy çak edilýär. Buraw işleriniň 2500-den 4500 metre çenli çuňlukda jemlenendigi nygtalýar.
Uzak möhletleýin perspektiwada 14 welaýatyň 18 ýatagynda nebit gözleg işleri başlar.
Welaýatlaryň arasynda Wan we Hakkari welaýatlary bilen birlikde Gaziantep, Antalýa, Çanakkale, Şanlyurfa, Zonguldak, Diýarbakır, Bartyn, Karabük, Kastamonu, Elazyg, Edirne, Kahramanmaraş we Kilis welaýatlary hem bar.
Nebit önümçiliginiň artmagy bilen birlikde Türkiyäniň ilki bilen nebit zerurlyklarynyň 20 göterimini milli baýlyklardan kanagatlandyrmagyna garaşylýar. Munuň häzirki hasap defisitini ýapmak üçin örän oňyn ädim boljakdygy nygtalýar.
Täze açyşlaryň Türkiyäniň ykdysadyýetine her ýyl goşýan goşandynyň 3 milliard dollardan geçjekdigi çak edilýär.
Gabara nebit turbageçirijisi gurulýar
Türkiye häzirki wagtda sebitde nebiti gury ýerden daşaýar. Şeýle-de bolsa, Gabardaky we sebitdäki beýleki nebitleriň esasy turbageçirijiler arkaly daşalmagy üçin işler dowam etdirilýär.
Gabardan BOTAŞ-yň İdil stansiýasyna çenli çig nebit turbageçirijisi gurulýar. Liniýanyň ýarysyna golaýy eýýäm gurulyp tamamlandy. Göz öňünde tutulýan nebit Idil stansiýasyndan Jeýhan we Dörtýola ýetiriler. Şeýlelik bilen şol nebitiň aňsat eksport edilmegine ýol açar.
Şeýle-de bolsa, Türkiyäniň nebit bilen bagly başdan geçirmeleri diňe bir gury ýer ýataklary bilen çäklenmeýär.
Deňiz ýataklarynda gözleg işleri 4 buraw gämisi bilen arakesmesiz dowam etdirilýär. Buraw gämileri Fatih, Ýawuz we Kanuni gämileri Gara deňizde seýsmiki gözleg we buraw işlerini geçirýär, Abdülhamid Han gämisi bolsa Ortaýer deňzinde seýsmiki gözleg we buraw işlerini geçirýär.
Mahmut GÜRER / TRT HABAR kanalynyň redaktory.