Türkiyäniň daşary işler ministrligi Ysraýyl bilen Liwanyň arasynda gazanylan ylalaşygyň ýola goýulmagy bilen bagly beýanat berdi.
Beýanatda: "Liwanda ylalaşygyň ýola goýulmagy bilen bagly geçirilen gepleşikleriň oňyn netijesini goldaýarys we ylalaşygyň hemişelik boljakdygyny umyt edýäris" diýip belledi.
Türkiyäniň Liwanda içerki parahatçylygyň ýola goýulmagy maksady bilen zerur bolan goldawy bermäge taýardygy bellenen beýanatda: "Ysraýylyň ylalaşygyň düzgünlerini dolulygyna berjaý etmegi we Liwanda ýetiren zyýanynyň öweziniň dolmagy üçin halkara jemgyýetçiligi tarapyndan basyş edilmelidir.
Türkiye Liwanda içerki parahatçylygyň ýola goýulmagy maksady bilen zerur bolan goldawy bermäge taýardyr. Şol mynasybetli sebitde parahatçylygyň we durnuklylygyň üpjün edilmegi üçin Gazada iň gysga wagtda hemişelik we giňişleýin ylalaşygyň yglan edilmeginiň we Ysraýylyň agressiw syýasatlaryny bes etmeginiň zerurdygyny ýatlatmak isleýäris" diýip habar berildi.
Liwan bilen Ysraýylyň arasynda gazanylan ylalaşyk ýerli wagt bilen sagat 04:00-da güýje giripdi.